images
images
  • उपेन्द्रलाई फकाउँदै ओली–देउवा, माफिया पोस्ने विवादित भूमि विधेयक पारितको तयारीमा सरकार

    काठमाडौं– प्रधानमन्त्री केपी शर्मा ओली नेतृत्वको सरकारप्रति असन्तुष्टि जनाउँदै आएको जनता समाजवादी पार्टी (जसपा) नेपालले समर्थन फिर्ता लिने चेतावनी दिँदै आए पनि हाल त्यसमा अन्योल देखिएको छ ।

    असार ७–८ मा बसेको कार्यकारिणी बैठकले सरकार पूर्णरूपमा असफल भएको ठहर गरेपछि जसपाले समर्थनबारे पुनर्विचार गर्न संसदीय दललाई निर्देशन दिएको थियो । तर, अध्यक्ष उपेन्द्र यादवले संसदीय बैठक आह्वान नगरेपछि औपचारिक निर्णय भएन ।

    यद्यपि सोमबार अध्यक्ष यादव र वरिष्ठ उपाध्यक्ष राजकिशोर यादव प्रधानमन्त्री ओली र कांग्रेस सभापति देउवासँग बालुवाटारमा भएको छलफलमा सहभागी भएपछि समर्थन फिर्ताको चेतावनी तत्कालका लागि मत्थर भएको छ । छलफलको केन्द्र भूमि विधेयक रहेको थियो ।

    जसपाले विधेयकले सुकुमवासी र भूमिहीनको समस्या समाधान नगर्ने तथा प्रदेश सरकारको अधिकार अतिक्रमण गर्ने भन्दै असन्तुष्टि जनाएको छ । कांग्रेसका पनि दर्जनभन्दा बढी सांसदले विधेयक संशोधनको माग राखेका छन् । यसै कारण संसदको कार्यसूचीबाट विधेयक हटाइएको थियो ।

    विवाद समाधानका लागि कांग्रेस सभापति देउवाले कार्यदल गठनको प्रस्ताव राखेका छन् । सहमति जुटे जसपाको सरकार प्रवेशबारे छलफल अघि बढ्ने सत्ता नेताहरू बताउँछन् ।

    जसपाका प्रवक्ता मनिष सुमनले समर्थन औपचारिक रूपमा फिर्ता लिएको नभए पनि सरकारसँगको सम्बन्ध यथास्थानमै रहेको बताए । सरकारले भ्रष्टाचार नियन्त्रण, सुशासन, संविधान संशोधन, आर्थिक सुधार र भूमि विधेयकमा स्पष्ट रोडम्याप नदिएसम्म समर्थन कायम नरहने उनले चेतावनी दिएका छन् ।

    प्रतिक्रिया दिनुहोस्
    images
    images