विश्व खबर 
काठमाडौं– बीमा प्राधिकरणका अध्यक्ष शरद ओझाको योग्यता विवादमा अख्तियारले अनुसन्धान तीव्र बनाएपछि सरकारले तीन सदस्यीय छानबिन समिति गठन गरेको छ ।
प्रधानमन्त्री ओलीको प्रस्तावमा उच्च अदालतका पूर्वन्यायाधीश कृष्ण गिरीको नेतृत्वमा समिति बनाइएको हो । सदस्यमा कपिलदेव ओली र जीवनप्रकाश सिटौला छन् ।
समिति गठनसँगै ओझा निलम्बनमा परेका छन् र सहसचिव सेवन्तक पोखरेल कार्यबाहक अध्यक्ष बनेका छन् ।
बीमा ऐन अनुसार पाँच वर्षको व्यवस्थापकीय अनुभव आवश्यक भए पनि ओझासँग अनुभव नभएको भन्दै अदालत र अख्तियारमा उजुरी परेको थियो ।
अब समितिले तीन महिनाभित्र प्रतिवेदन पेश गर्नेछ ।
ओझा नेपाली कांग्रेस सभापति शेरबहादुर देउवाको विश्वास पात्र मानिन्छन् । उनी देउवाकै सिफारिसमा उक्त प्राधिकरणको अध्यक्ष पदमा नियुक्त भएका थिए ।
प्रतिक्रिया दिनुहोस्
