विश्व खबर 
काठमाडौं । भारतको अहमदाबादबाट लन्डनका लागि उडेको एअर इन्डियाको एक विमान उडेको केही मिनेटमै दुर्घटनामा परेको छ ।
उक्त विमानमा गुजरातका पूर्वमुख्यमन्त्री विजय रुपाणी पनि सवार रहेको भारतीय सञ्चारमाध्यम दैनिक भास्कर ले जनाएको छ ।
एअर इन्डियाको बोइङ ड्रीमलाइनर एआई–१७१ विमानमा २४२ जना यात्रु सवार थिए ।
भारतीय समयअनुसार दिउँसो १ बजेर ३८ मिनेटमा टेकअफ गरेको उक्त विमान केही समयमै विमानस्थल क्षेत्र नजिकै भुइँमा खस्दै दुर्घटनामा परेको हो ।
दुर्घटनापछि उद्धार कार्य तीव्र गतिमा जारी रहेको बताइएको छ । यात्रुहरूको अवस्थाबारे विस्तृत विवरण आउन बाँकी छ ।
घटनाबारे भारतको नागरिक उड्डयन प्राधिकरणले आधिकारिक जानकारी दिने तयारी गरिरहेको छ ।
प्रतिक्रिया दिनुहोस्
