काठमाडौं । सभामुख देवराज घिमिरेको पहलमा प्रतिनिधिसभामा प्रतिनिधित्व गर्ने दलका प्रमुख सचेतकहरूको छलफल जारी छ ।
संसद्मा देखिएको गतिरोध अन्त्य गर्ने उद्देश्यले सभामुख घिमिरेले सत्तारुढ दल र प्रमुख प्रतिपक्षी दलका प्रमुख सचेतक तथा नेताहरूसँग समसामयिक विषयमा परामर्श गरेका हुन् ।
छलफलमा उपसभामुख इन्दिरा रानामगरको पनि सहभागिता रहेको छ । सत्तारुढ गठबन्धनका तर्फबाट नेकपा एमालेका प्रमुख सचेतक महेश बर्तौला, नेकपा (माओवादी केन्द्र)का हितराज पाण्डे, रास्वपाका सन्तोष परियार, र प्रमुख प्रतिपक्षी नेपाली कांग्रेसका प्रमुख सचेतक श्यामकुमार घिमिरे छलफलमा सहभागी छन् ।
यद्यपि संसद पुनः सञ्चालन गर्ने विषयमा छलफल भए पनि सहमति भने जुट्न सकेको छैन ।
विपक्षी दलहरूले गृह मन्त्रालयअन्तर्गतको भिजिट भिसा प्रकरणमा गृहमन्त्री रमेश लेखकमाथि छानबिन गर्न उच्चस्तरीय समिति गठनको माग गर्दै आएका छन् ।
तर, सत्तारुढ दलहरूले उक्त मागप्रति सकारात्मक देखिएका छैनन् । यही विषयले सदन सञ्चालनमा अवरोध सिर्जना गरिरहेको छ ।























