images
images
  • प्रतिपक्षको द्वैत चरित्र : माथिल्लो सदनमा मौन, तल्लोमा होहल्ला, टार्गेटमा गृहमन्त्रीको राजीनामा

    काठमाडौं । भिजिट भिसा प्रकरणलाई लिएर उत्पन्न विवादका कारण आजको प्रतिनिधिसभा (तल्लो सदन) बैठक अझै सुरु हुन सकेको छैन ।

    गृहमन्त्री रमेश लेखकको राजीनामाको माग गर्दै प्रतिपक्षी दलले गरेको अवरोधपछि बैठक आधा घण्टाका लागि स्थगन गरिएको थियो ।
    तर, निर्धारित समय बितिसक्दा पनि बैठक फेरि सञ्चालनमा आउन सकेको छैन ।

    आज बिहान ११ बजेका लागि बोलाइएको प्रतिनिधिसभाको बैठक समयमै सुरु हुन नसकी दिउँसो १ बजेमात्रै सुरु भएको थियो ।

    बैठक सुरु भएलगत्तै विपक्षी सांसदहरूले नाराबाजी र होहल्ला गरेका थिए । अवरोध कायमै रहेपछि सभामुखले बैठकलाई स्थगन गरेका थिए ।

    प्रतिपक्षी दलहरूको कडा विरोधका कारण प्रतिनिधिसभाको वातावरण अवरुद्धजस्तै बनेको छ ।

    राष्ट्रिय सभा (माथिल्लो सदन) बैठक भने बिनाअवरोध शान्तिपूर्वक सञ्चालनमा रहेको छ । बैठकको आकस्मिक समयमा प्रतिपक्षी नेकपा (माओवादी केन्द्र)का सांसद गोपीबहादुर अछामीले भिजिट भिसा प्रकरणबारे गम्भीर टिप्पणी गर्दै गृहमन्त्री लेखकले नैतिक जिम्मेवारी वहन गर्दै राजीनामा दिनुपर्ने माग राखे ।

    सांसद अछामीको अभिव्यक्तिपछि राष्ट्रिय सभा अध्यक्ष नारायण दाहालले उठाइएको विषय गम्भीर रहेको भन्दै सम्बन्धित निकायलाई समयमै ध्यान दिन आग्रह गरे ।

    प्रतिनिधिसभाको गतिरोध कहिले हट्ने भन्नेबारे अझै अनिश्चितता कायमै छ भने भिजिट भिसा प्रकरणको अनुसन्धान र राजनीतिक समाधानको दिशामा सरकारका आगामी कदमप्रति सबैको चासो बढेको छ ।

    प्रतिक्रिया दिनुहोस्
    images
    images