images
images
  • रुसी सेनामा भर्ना नगर्न राष्ट्रपति पुटिनलाई प्रधानमन्त्रीको आग्रह, युक्रेनसँगको युद्धमा ७३ नेपालीको मृत्यु

    काठमाडौं । प्रधानमन्त्री केपी शर्मा ओलीसँग रुसी महासंघअन्तर्गतको काल्मिकियाका प्रमुख बाटु कासिकोभ नेतृत्वको प्रतिनिधिमण्डलले आज शिष्टाचार भेट गरेको छ ।

    प्रधानमन्त्री निवास, बालुुवाटारमा भएको भेटका अवसरमा नेपाल र रुसबीचको मित्रवत सम्बन्धका विविध आयामबारे छलफल भएको छ ।

    RSSImage2025 05 15at2.46.17PM scaled

    प्रमुख कासिकोभले आगामी ‘सेप्टेम्बर’मा काल्मिकियामा आयोजना हुने अन्तरराष्ट्रिय बौद्ध सम्मेलनमा सहभागिताका लागि प्रधानमन्त्री ओलीलाई निम्तो दिएको प्रधानमन्त्रीको सचिवालयले जनाएको छ ।

    RSS Image2025 05 15at2.46.15PM scaled

    प्रधानमन्त्री ओलीले नेपाल र रुसबीच कुनै पनि किसिमको सैन्य सम्झौता नभएको अवस्थामा रुसी सेनामा नेपालीलाई भर्ना नगर्न राष्ट्रपति पुटिनलाई आफ्नो सन्देश सुनाइदिन पनि आग्रह गरे । जवाफमा प्रमुख कासिकोभले अब त्यसरी भर्ना नगाइने विश्वास दिलाए ।

    RSS Image2025 05 15at2.46.16PM scaled

    भेटका अवसरमा नेपालस्थित रुसी राजदूतावासका राजदूत आलेक्सी नोभिकोभ, परराष्ट्र मन्त्रालयका उच्चाधिकारीलगायत सहभागी थिए ।

    कति नेपाली मारिया रुस–युक्रेन युद्धमा ?

    रुस–युक्रेन युद्धका क्रममा रुसी सेनामा कार्यरत ७३ जना नेपालीले ज्यान गुमाएका छन् ।

    पुस ९ यतामात्रै २३ जनाको मृत्यु पुष्टि भएको परराष्ट्र मन्त्रालयले जनाएको छ ।

    मन्त्रालयका अनुसार मृत्यु प्रमाणित हुनेको संख्या अझै बढ्ने सम्भावना छ ।

    रुसले गत वर्षको चैतदेखि नै रुसी सेनामा कार्यरत नेपाली नागरिकको पहिचानका लागि पारिवारिक सदस्यको डीएनए नमुना पठाइदिन बेपत्ता भएका नेपालीको नामसहितको विवरण पठाउन थालेको छ ।

    यस्तै रुस–युक्रेन युद्धमा बेपत्ता भई डीएनए परीक्षणका लागि नमुना पठाएकामध्ये अझै ५० जनाको रिपोर्ट आउन बाँकी रहेको बताइएको छ ।

    रुसले युद्धसम्बन्धी पूर्णतालिम नदिई ‘रेड जोन’मा पठाउँदा मानवीय क्षति बढेको बताइएको छ ।

    प्रतिक्रिया दिनुहोस्
    images
    images