विश्व खबर 
काठमाडौं- काठमाडौं प्रहरी परिसर कार्यालयमाथि ढुंगामुढा भएको छ । अधिवक्ता भगवती पाण्डे ‘शीतल’पक्राउको माग गर्दै ढुंगामुढा भएको हो ।
प्रदर्शन गर्ने २८ जनालाई प्रहरीले नियन्त्रणमा लिएको छ। नेपाल मगर संघ र नेपाल तामाङ संघले परिसरअगाडि प्रदर्शन गर्ने क्रममा ढुंगामुढासमेत गरेकोले उनीहरुलाई पक्राउ गरिएको हो।
अधिवक्ता भगवती पाण्डेले तामाङ र मगर समुदायप्रति लक्षित गरी विवाहबारे दिएको अभिव्यक्तिको विरोध जनाउँदै दुई संघले प्रहरी परिसरअगाडि प्रदर्शन गरेका हुन्। ।
ढुंगामुढा गर्दै परिसरकै कामकारबाहीमा अवरोध गरेपछि २८ जनालाई पक्राउ गरिएको हो।
प्रहरीका अनुसार पक्राउन पर्नेमा २२ जना पुरूष र ६ जना महिला छन्।
उनीविरुद्ध प्रहरीले पक्राउ पुर्जी भने लिइसकेको छ । केही दिनअघि पाण्डेले तामाङ र मगर समूदायमा दाजुभाइबीच विवाह हुने र त्यसैबाट आपराधिक गतिविधि बढ्ने धारणा सार्वजनिक गरेकी थिइन् ।
