विश्व खबर 
काठमाडौं-काठमाडौं महानगरपालिकाले कक्षा ११ मा छात्रवृत्तिका लागि परीक्षाको अनलाइन आवेदन खुला गरेको छ।
महानगरपालिका अन्तर्गतको शिक्षा विभागले आज एक सूचना जारी गरी महानगरभित्र सञ्चालित कक्षा ११ अध्यापन हुने संस्थागत शिक्षण संस्थामा शैक्षिक सत्र २०८०/०८१ का लागि छात्रवृत्तिमा विद्यार्थी छनोट गर्नका लागि गरिने परीक्षाका लागि आवेदन आह्वान गरेको हो।
महानगरकाअनुसार लिन चाहने विद्यार्थीले आज बिहान १० बजेदेखि साउन १२ गतेसम्म महानगरको वेबसाइट https://kathmandu.gov.np/ वा entrance.kathmandu.gov.np मार्फत अनलाइन आवेदन फाराम पेस गर्न सकिने छ।
छात्रवृत्ति परीक्षा साउन २० गते बिहान ११ देखि दिउँसो १ बजेसम्म हुनेछ। महानगरले विस्तृत जानकारीका लागि महानगरको वेबसाइट kathmandu.gov.np मा हेर्न अनुरोध गरेको छ।
यस्तो छ सूचना:
प्रतिक्रिया दिनुहोस्
