विश्व खबर 
काठमाडौं- लोकतान्त्रिक समाजवादी पार्टी (लोसपा)का नेताहरुले महन्थ ठाकुरलाई भावी राष्ट्रपति बनाउन नेपाली कांग्रेसका नेताहरुलाई प्रस्ताव गरेका छन् ।
लोसपाका नेताहरु बुधबार बिहान कांग्रेस सभापति शेरबहादुर देउवासको निवास पुगेका थिए । ठाकुरको नाममा राष्ट्रिय सहमति कायम गर्न आग्रह गर्दै काँग्रेस शीर्ष नेतासँग छलफल गरेको लोसपा नेता सर्वेन्द्रनाथ शुक्लले बताए जानकारी दिए ।
भेटमा आफूहरुले कांग्रेस र एमालेले एकअर्कालाई स्वीकार नगर्ने अवस्थामा ठाकुरलाई राष्ट्रपति बनाउनुपर्ने प्रस्ताव राखेको लोसपा नेता सर्वेन्द्रनाथ शुक्लले बताए । उनले भने, ‘महन्थ ठाकुरजी, जसले लामो समय कांग्रेसमा काम गर्नुभयो । कांग्रेसप्रति सकारात्मक नै हुनुहुन्छ ।’
राष्ट्रपति विद्यादेवी भण्डारीको कार्यकाल यही फागुन २८ गते सकिन लागेकाले फागुन २५ गते राष्ट्रपतिको निर्वाचन हुँदैछ । त्यसका लागि फागुन १३ गते मनोनयन दर्ताको कार्यक्रम छ । निर्वाचनको तयारी जारी राखेको निर्वाचन आयोगले आज मतदाता नामावली सार्वजनिक गर्दै छ ।
निर्वाचनको मिति नजिकिँदै गएकाले दलहरू राष्ट्रपतिको उम्मेदवार टुङ्गो लगाउने प्रयासमा छन् ।
