विश्व खबर 
काठमाडौंं- आज २५ भदौं, २०७९, शनिबार । तद्नुसार सेप्टेम्बर महिनाको १० तारिक २ ०२२ । भाद्रशुक्लपक्ष पूर्णिमा, बव करण, शतभिषा नक्षत्र, धृति योग, चन्द्रमा कुम्भ राशिमा रहेको छ । आजको देवता बरुण र ग्रहदेव राहु रहेको छ ।
शनिवारको दिन संकटा र शनि मन्दिरको यात्रा शुभ हुनेछ । शनिबारको दिन विहान पिपलको बृक्षमा जल अभिषेक गर्नु उत्तम हुनेछ । आजको विहानको सूर्योदय ५ः४६ मा सूर्यास्त ६ः१८ मा हुनेछ । आज विहान ११ः३७ देखि १२ः३६ सम्म अभिजित मुहूर्त रहेको छ ।
आज पूर्णिमाको दिन भएकाले आफूले सोचेको कार्यहरु पुरा गर्ने उत्तम दिने हो । हरेक महिनाको पूर्णिमा सबै भन्दा राम्रो दिन मानिन्छ । पूर्णातिथि भएकाले पनि आजको दिन उत्तम छ । शनिवारको दिन छुट्टी भएकाले पनि घर गृहस्थका कार्यहरु गर्दा शुभ मानिन्छ ।
आजको राशिफल
मेष (चु, चे, चो, ला, लि, लु, ले, लो, अ)
आज पुनर्मिलनको योग रहेको छ । धर्मकर्म तथा समाजसेवामा मन लाग्नेछ । बन्धुबान्धवबाट सहयोग मिल्नेछ । प्रेमीको सहयोग पनि पाइनेछ । रोकिएको काम बन्नेछ भने जिम्मेवारी समेत बढ्नेछ।
वृष (इ, उ, ए, ओ, वा, वि, वु, वे, वो)
आज इच्छा र आकाङ्क्षा पूर्ण हुनेछ । प्रतिष्ठित काम गरेर धेरैको मन लोभ्याउन सकिनेछ। सामाजिक कार्यले हौसला प्रदान गर्नेछ। सन्तान सुख मिल्नेछ । जोशजाँगर र हिम्मत बढ्नेछ । धर्मकर्म तथा समाजसेवामा मन पनि लाग्नेछ ।
मिथुन (का, कि, कु, घ, ङ, छ, के, को, हा)
एउटै कामबाट दोहोरो लाभ मिल्नेछ । सांगीतिक क्षेत्रमा रुचि बढ्नेछ । दाम्पत्य जीवन सुखमय हुनेछ । नयाँ वस्त्र तथा अलङ्कारको प्राप्ति हुनेछ ।
कर्कट (हि, हु, हे, हो, डा, डि, डु, डे, डो)
आज स्वास्थ्यमा समस्या आउनसक्छ । अधिकार प्राप्तिका लागि संघर्ष गर्नु पर्ला । प्रेममा बाधा आउन सक्छ । वैदेशिक क्षेत्र पनि कमजोर रहनेछ ।
सिंह (मा, मि, मु, मे, मो, टा, टि, टु, टे)
आज अधुरा कार्य पूरा गर्न सहयोग मिल्नेछ । रमाइलो यात्राको योग रहेको छ । नयाँ कार्यको योजना बन्नेछ । शत्रुमाथि विजय मिल्ने समय छ ।
कन्या (टो, पा, पि, पु, ष, ण, ठ, पे, पो)
आज शुभकार्यको चर्चा चल्नेछ । प्रेमीको सहयोग पाइनेछ । विश्वास गरेकाले साथ दिनेछन् । दिनको उत्तरार्धमा धन खर्च पनि हुनेछ ।
तुला (रा, रि, रु, रे, रो, ता, ति, तु, ते)
आदर्श ब्यक्तिको सहकार्यले नयाँ अनुभव मिल्नेछ । आफ्नो क्षेत्रमा प्रभुत्व जमाउन सकिनेछ । अधुरो काम पूरा हुने र परोपकारमा रुचि बढ्नेछ ।
वृश्चिक (तो, ना, नि, नु, ने, नो, या, यि, यु)
मानसिक चिन्ता बढ्न सक्छ । प्रणयसम्बन्ध र रतिराग बढाउने समय रहेको छ । पार्टी पिकनिक तथा सेमिनारमा सहभागिता पनि भइएला ।
धनु (ये, यो, भा, भि, भु, धा, फा, ढा, भे)
कूटनीतिक नियोगको सहयोग मिल्ला । गरेको कार्यमा सफलता पाइनेछ । कुनै कुराले मनमा शान्ति छाउला । नजिकको व्यक्तिबाट कार्य पुरा हुनेछ ।
मकर (भो,जा,जि,जु,जे,जो,ख,खि,खु,खे,खो,गा,गि)
आजको दिन भाग्यशाली भएर देखा पर्नेछ । बन्धु बान्धवबाट सहयोग मिल्नेछ । पुनर्मिलनको योग रहेको छ । शुभकार्यको चर्चा पनि चल्नेछ ।
कुम्भ (गु, गे, गो, सा, सि, सु, से, सो, दा)
आजको दिन शत्रु पराजित हुनेछन् । शैक्षिक क्षेत्रमा सफलता मिल्नेछ । समाजसेवामा मन लाग्नेछ । बन्धुबान्धवबाट सहयोग पनि मिल्नेछ ।
मीन (दि, दु, थ, झ, ञ, दे, दो, चा, चि)
आज महत्त्वपूर्ण कार्यमा व्यवधान आइपर्ला तर आफ्नै दक्षतामा विभिन्न कार्यहरू सम्पन्न हुनेछन् । राजनैतिक कार्यमा पनि बाधा आउनेछ ।
राशिफल जे जस्तो भएपनि तपाईंको दिन शुभ रहोस् । (ज्यो,प.नारायणप्रसाद दुलाल)
