विश्व खबर 
काठमाडौं– इजरायलका राष्ट्रपति इसाक हर्जोगले आगामी बुधबार संसदीय निर्वाचनको आधिकारिक नतिजा प्राप्त गरेपछि सरकार गठन गर्न राजनीतिक दलहरूसँग परामर्श सुरु गर्ने बताएका छन् ।
राष्ट्रपति हर्जोगले नयाँ निर्वाचनमा जानुपर्ने अवस्था रोक्न राजनीतिक दलका नेताहरूलाई नवीन विचार र समाधानका विकल्पमा खुला हुन आग्रह गरेका छन् ।
उनले भने, ‘म सबै राजनीतिक दलका नेताहरूलाई नयाँ निर्वाचनतर्फ जानुपर्ने अवस्था रोक्न नवीन विचार र समाधानका विकल्पप्रति खुला रहन आह्वान गर्छु । निर्वाचनको नतिजा अब वास्तविकता बनिसकेको छ । सबै नेताहरूले आफ्ना अडानमा लचकता अपनाउँदै वर्तमान परिस्थितिलाई स्वीकार गर्नुपर्छ ।’
राष्ट्रपति हर्जोगले नयाँ निर्वाचन आवश्यक पर्ने अवस्था आउन नदिन विभिन्न राजनीतिक विकल्पबारे छलफल गरिने पनि औंल्याए ।
सरकार गठन गर्न छनोट हुने दल वा गठबन्धनलाई नयाँ सरकार बनाउन अधिकतम ४२ दिनको समय दिइनेछ ।
संसदीय निर्वाचनपछि इजरायलमा नयाँ सरकार गठनको समीकरण जटिल बनेको छ । १२० सदस्यीय संसद् नेसेटमा नेतान्याह’ नेतृत्वको गठबन्धनले ५३ सिट प्राप्त गरेको छ । उनलाई सत्ताबाट हटाउन चाहने विपक्षी समूहले भने अरब दलसहित ६७ सिट जितेको छ ।
तर विपक्षी समूहभित्रका यह’दी दलसँग ४८ सिट मात्रै छन् । अरब नेतृत्वका दुई दल–जोइन्ट लिस्ट र रामले क्रमशः ११ र * गरी १९ सिट जितेका छन् । सरकार गठनका लागि संसद्मा कम्तीमा ६१ सिट आवश्यक पर्ने भएकाले विपक्षी दललाई बहुमत पुर्याउन अरब दलको समर्थन अपरिहार्य देखिएको छ ।
यद्यपि विपक्षी गठबन्धनका सबै दल अरब दलसँग मिलेर सरकार बनाउन तयार छैनन् । केही नेताले उनीहरूसँग सत्ता साझेदारी अस्वीकार गरेका छन् भने अन्य नेताले सरकार परिवर्तनका लागि सहकार्य आवश्यक रहेको बताएका छन् । अरब दलले सरकारमा सहभागी हुने वा बाहिरबाट समर्थन गर्ने भन्ने विषयले पनि आगामी राजनीतिक समीकरण निर्धारण गर्नेछ ।
