विश्व खबर 
काठमाडौं– देशका विभिन्न क्षेत्रमा आएको प्राकृतिक विपत्तिपछि प्रभावित नागरिकको राहत तथा उद्धारमा निजी क्षेत्रको सहभागिता बढ्दै गएको छ। यसै क्रममा लोमस फर्मास्युटिकल्सले विपद् प्रभावितका लागि आवश्यक औषधि सहयोग उपलब्ध गराएको छ ।
बाढी तथा अन्य प्राकृतिक विपत्तिबाट घाइते र प्रभावित नागरिकलाई तत्काल आवश्यक पर्ने औषधिको अभाव हुन नदिन कम्पनीले सरकारको राहत तथा उद्धार अभियानमा सहकार्य गर्दै औषधि उपलब्ध गराएको जनाएको छ ।
औषधि सहयोगसँगै उद्धार कार्यमा समेत प्रत्यक्ष रूपमा सहभागी हुँदै आएको लोमस फर्मास्युटिकल्सले विपद्को समयमा निजी क्षेत्रले निर्वाह गर्नुपर्ने सामाजिक उत्तरदायित्वको उदाहरण प्रस्तुत गरेको छ ।
विपद्को समयमा सरकारी प्रयाससँगै निजी क्षेत्रको सहयोगले प्रभावित नागरिकसम्म राहत तथा स्वास्थ्य सेवा छिटो पुर्याउन महत्वपूर्ण भूमिका खेल्ने देखिएको छ ।
कम्पनीको सहयोगले व्यावसायिक भूमिकाभन्दा माथि उठेर नागरिकको जीवनरक्षा र मानवीय सेवामा योगदान पुर्याउनुपर्ने सन्देशसमेत दिएको छ ।
विज्ञहरूले सरकार, निजी क्षेत्र, स्वास्थ्य संस्था तथा सामाजिक संघसंस्थाबीच प्रभावकारी समन्वय हुन सके विपद् प्रभावित नागरिकलाई तत्काल औषधि, उपचार तथा अन्य आवश्यक राहत उपलब्ध गराउन सहज हुने बताएका छन् ।
