विश्व खबर 
काठमाडौं– नेपाली प्रधानसेनापति अशोकराज सिग्देलको निमन्त्रणामा भारतीय प्रधानसेनापति धीरज सेठ चारदिने भ्रमणका लागि काठमाडौं आउँदै छन् ।
भोलि सोमबार राष्ट्रपति रामचन्द्र पौडेलले विशेष समारोहबीच सेठलाई नेपाली सेनाको मानार्थ महारथी दर्ज्यानी चिह्न प्रदान गर्ने कार्यक्रम छ ।
सोही दिन जङ्गी अड्डामा दुवै प्रधानसेनापतिबीच द्विपक्षीय वार्ता हुनेछ ।
सन् १९५० देखि सुरु भएको परम्पराअनुसार नेपाली प्रधानसेनापतिलाई भारतीय सेनाको र भारतीय स्थल सेनाध्यक्षलाई नेपाली सेनाको मानार्थ महारथी पदवी प्रदान गर्दै आइएको छ ।
यसले दुई देशबीचको घनिष्ठ र ऐतिहासिक सैन्य सम्बन्धलाई प्रतिबिम्बित गर्छ ।
दुवै देशका सेनाबीच उच्चस्तरीय भ्रमण, संयुक्त अभ्यास र तालिम आदानप्रदान हुँदै आएका छन् ।
प्रतिक्रिया दिनुहोस्
