विश्व खबर 
काठमाडौं– सभामुख डोलप्रसाद अर्यालले प्रधानमन्त्री वालेन्द्र शाहलाई संसद्मा उपस्थित भएर सांसदहरूले उठाएका प्रश्नको जवाफ दिन आग्रह गरेका छन् ।
मंगलबार प्रधानमन्त्री तथा मन्त्रिपरिषद्को कार्यालयमा भएको भेटमा चालु अधिवेशन र समसामयिक राजनीतिक विषयमा छलफल भएको थियो ।
स्रोतका अनुसार सभामुखले संसदमा प्रधानमन्त्रीको खोजी भइरहेको छ, कम्तीमा सदनमा आएर जवाफ दिनुस् भन्दै आग्रह गरेका हुन् ।
तर, प्रधानमन्त्री शाहले यसबारे स्पष्ट जवाफ नदिएको बताइएको छ ।
प्रतिपक्षी दलहरूले लगातार प्रधानमन्त्रीको संसद् उपस्थितिको माग गर्दै आएका छन् ।
मंगलबार कांग्रेस सांसद भरतबहादुर श्वारले पनि प्रधानमन्त्री सांसदका प्रश्नको जवाफ दिनबाट पछि हटेको आरोप लगाएका थिए ।
प्रतिक्रिया दिनुहोस्
