विश्व खबर 
काठमाडौं– नेपाली कांग्रेसको आधिकारिकता विवाद फेरि सर्वोच्च अदालतमा पुग्ने भएको छ ।
गगन थापा नेतृत्वको कार्यसमितिलाई वैधता दिएको आदेशविरुद्ध पुनरावलोकनको अनुमति पाएपछि शेरबहादुर देउवा–पूर्णबहादुर खड्का पक्षले १५औँ महाधिवेशनको प्रक्रिया रोक्न नयाँ रिट दायर गर्ने तयारी गरेको हो ।
देउवा पक्षले पुनरावलोकनको सुनुवाइ सुरुदेखि हुने भएकाले महाधिवेशन अघि बढाउन नमिल्ने दाबी गर्दै अन्तरिम आदेश माग्ने तयारी गरेको छ ।
रिटको मस्यौदा तयार पार्न वरिष्ठ अधिवक्तालाई जिम्मेवारी दिइएको जनाइएको छ ।
उता, कांग्रेस सभापति गगन थापाले भने असोज १६–१९ मा तय गरिएको १५औँ महाधिवेशनको कार्यतालिका प्रभावित नहुने बताएका छन् ।
वडा तहको अधिवेशन प्रक्रिया भदौ २ देखि सुरु गर्ने तयारी कांग्रेसले गरिरहेको छ ।
प्रतिक्रिया दिनुहोस्
