विश्व खबर 
काठमाडौं– एमाले बागमती प्रदेश संसदीय दलका नेता जगन्नाथ थपलिया सोमबार राति अध्यक्ष केपी शर्मा ओलीको निवास गुन्डुमा भएको छलफलकै क्रममा बोल्दाबोल्दै अचेत भएका छन् ।
स्रोतका अनुसार, थपलियामाथि संसदीय दलको नेतृत्व छोड्न दबाब दिइएको थियो ।
छलफलमा सहभागी अधिकांश सांसदले उनलाई नेतृत्व गर्न नसक्ने भन्दै राजीनामा दिन आग्रह गरेका थिए ।
भावुक बनेका थपलिया पार्टीमा लामो योगदानपछि आफूलाई अयोग्य भनिएको भन्दै बोलिरहेकै बेला ढलेका हुन् ।
अचेत भएपछि सांसदहरूले उनलाई मध्यपुर ठिमी अस्पताल पुर्याएका थिए ।
गुन्डुमा भएको छलफलमा १७ जना सांसद सहभागी रहेको र तीमध्ये अधिकांशले किरण थापामगरलाई मुख्यमन्त्री बनाउने पक्षमा हस्ताक्षर गरिसकेको बताइएको छ ।
प्रतिक्रिया दिनुहोस्
