खामेनीको मृत्युपछि इरानमा नयाँ उत्तराधिकारी खोजी

काठमाडौं– Ali Khamenei को मृत्युपछि इरान सरकारले ४० दिन राष्ट्रिय शोक घोषणा गरेको छ ।

शिया इस्लाम परम्पराअनुसार मृत्युको ४०औँ दिन विशेष महत्व राख्ने भएकाले सो अवधिसम्म झण्डा आधा झुकाइने र देशभर श्रद्धाञ्जली कार्यक्रम गरिने जनाइएको छ ।

सरकारी स्रोतका अनुसार अमेरिका र इजरायलको संयुक्त आक्रमणमा आइतबार बिहान आफ्नै कार्यकक्षमा उनको मृत्यु भएको हो ।

सन् १९८९ देखि सर्वोच्च नेता रहेका खामेनी Ruhollah Khomeini का उत्तराधिकारी थिए र पश्चिमी शक्तिविरुद्ध कडा अडानका लागि परिचित थिए ।

घटनापछि केही अन्तर्राष्ट्रिय सञ्चारमाध्यमले उनका परिवारका सदस्यहरू पनि मारिएको दाबी गरेका छन् ।

उता इरानका केही स्थानमा शासनविरुद्ध नाराबाजी र उत्सव मनाइएको खबर सार्वजनिक भएको छ ।

निर्वासित युवराज Reza Pahlavi ले संक्रमणकालमा एकताबद्ध हुन आह्वान गरेका छन् भने अमेरिकी राष्ट्रपति Donald Trump ले सामाजिक सञ्जालमार्फत यसलाई ‘न्याय’को संज्ञा दिएका छन् ।

युद्धको अवस्थाबीच नयाँ सर्वोच्च नेता चयन प्रक्रिया चुनौतीपूर्ण हुने अनुमान गरिएको छ ।

प्रतिक्रिया दिनुहोस्