images
images
  • यी हुन् नेकपामा अटेका १३ महिला नेत्री (नामावलीसहित)

    काठमाडौं– एक साताअघि मात्र गठन भएको नेपाली कम्युनिस्ट पार्टीले निर्वाचन आयोगमा बुझाएको स्थायी समिति सदस्यहरूको सूचीमा थपिएका १३ महिला सदस्यबारे विवाद उठेपछि प्रचण्ड पक्षले स्पष्टिकरण दिएको छ ।

    सामाजिक सञ्जालमा संयोजक प्रचण्डकी छोरी रेणु दाहाल र बुहारी बिना मगरको नामसमेत उसैगरी थपिएको भन्दै आलोचना भएपछि सचिवालयले कानुनअनुसार ३३ प्रतिशत महिला सुनिश्चित गर्न उपस्थित रहेर हस्ताक्षर गर्न सकेका महिलाको नाम मात्र तात्कालिक रूपमा सूचीमा राखिएको जनाएको छ ।

    सचिवालयका प्रमुख गोविन्द आचार्यका अनुसार यो सूची दल दर्ता प्रयोजनका लागि मात्रै हो ।

    एकीकरणअघि कायम रहेको स्थायी समिति सूचीमा कानुनी अनुपात पूरा गर्न १३ महिला सदस्य थपिएको र यो कुनै नयाँ संरचना नभएको स्पष्ट गरिएको छ ।

    आचार्यले विधानअनुसारको संरचना पछि बनाइने उल्लेख गर्दै आयोगमा पेश गरिएको विवरणलाई लिएर भ्रममा नपर्न आग्रह गरेका छन् ।

    यी हुन् स्थायी समिति सदस्यमा थप गरिएका महिला

    धर्मशीला चापागाई – कोसी प्रदेश

    बोधमाया कुमारी यादव र सीता पोखरेल – मधेस प्रदेश

    रेणु दाहाल, कल्पना धमला र विमला सुवेदी – बागमती प्रदेश

    सुशिला सिंखडा – गण्डकी प्रदेश

    दामाकुमारी शर्मा र ताराकुमारी घर्ती – लुम्बिनी प्रदेश

    पुष्पा घर्ती विष्ट – कर्णाली प्रदेश

    रुपा (सोशी) चौधरी, रेणु चन्द र विना मगर – सुदूरपश्चिम प्रदेश

    प्रतिक्रिया दिनुहोस्
    images
    images