images
images
  • कांग्रेस इतरको भेलामा गगन–विश्वप्रकाश अनुपस्थित, पुसमा महाधिवेशन गर्न जोड

    काठमाडौं– नेपाली कांग्रेसका नेता डा. शेखर कोइरालाले पुसको तेस्रो साता समानुपातिकतर्फको बन्दसूची बुझाएर पार्टी महाधिवेशन गर्नुपर्ने सुझाव दिएका छन् ।

    शुक्रबार बिहान विशालनगरस्थित सम्पर्क कार्यालयमा उपत्यकाका निकट जिल्ला सभापतिहरूसँगको छलफलमा उनले आगामी फागुन २१ गतेको निर्वाचनअघि नयाँ नेतृत्व चयन गर्नुपर्ने आवश्यकता औंल्याए ।

    ‘निर्वाचन अघि नियमित महाधिवेशन गरेर नेतृत्व परिवर्तन गर्नुपर्छ,’ छलफलमा सहभागी एक सभापतिले कोइरालाको भनाइ उद्धृत गर्दै बताए ।

    उनका अनुसार पुस २५ मा समानुपातिक सूची बुझाइसकेपछि महाधिवेशन गर्न सकिने प्रस्ताव कोइरालाले गरेका थिए ।

    कोइरालाले महाधिवेशन नियमित गर्ने वा विशेष महाधिवेशन गर्ने निर्णय केन्द्रीय समितिले नै गर्नुपर्ने बताए ।

    समानान्तर भेला नगर्न र पार्टीलाई संकटमा नपार्न आग्रह गर्दै उनले सबै नेतासँग संवाद गरेर पार्टी एकता कायम गर्ने प्रतिवद्धता व्यक्त गरे ।

    छलफलमा रूपन्देही, चितवन, खोटाङ, नुवाकोट, धादिङलगायतका जिल्ला सभापतिहरू, केही पूर्वजिल्ला सभापति, प्रदेश पदाधिकारी र केन्द्रीय सदस्यहरू सहभागी थिए ।

    बैठकमा महामन्त्रीद्वय गगन थापा र विश्वप्रकाश शर्मा अपस्थित भएनन् ।

    shekhar koirala bhela 1

    प्रतिक्रिया दिनुहोस्
    images
    images