images
images
  • भुसाल र झाँक्रीसहित ६ नेतालाई पार्टीबाट निष्कासन गरेर प्रचण्ड–माधवको नेकपामा मिसिए खनाल

    काठमाडौं– नेकपा (एकीकृत समाजवादी) ले पार्टी नीतिविपरीत गतिविधि गरेको आरोपमा ६ जना नेतालाई पार्टीबाट निष्कासन गरेको छ ।

    पार्टीका सम्मानित नेता माधवकुमार नेपालले जारी गरेको विज्ञप्तिअनुसार हाल विभिन्न जिम्मेवारीमा रहेका ती नेताहरूले भदौ १२ देखि १५ गतेसम्म बसेको बैठकको नीति, विचार, सिद्धान्त र कार्यक्रम मिल्ने पार्टीसँग एकता गर्ने भन्ने निर्णय उल्लंघन गर्दै पार्टीविरुद्धका गतिविधि सञ्चालन गरेका थिए ।

    पार्टी विधानको धारा १२१(२) अनुसार निष्कासन गरिएको विज्ञप्तिमा उल्लेख छ ।

    निष्कासनमा परेका नेताहरूमा धनश्याम भुसाल, रामकुमारी झाँक्री, दामोदर भण्डारी, नन्दलाल बन्जाडे, धर्मराज तिम्सिना र किसान संगठनका कृष्णकुमार श्रेष्ठ रहेका छन् ।

    पार्टीले उनीहरूलाई निष्कासनसँगै पार्टीको नाम र पद प्रयोग नगर्न र कुनै पनि गतिविधिमा संलग्न नहुने गरी निर्देशन दिएको छ ।

    विज्ञप्तिमा भनिएको छ, ‘पार्टी निर्णय उल्लंघन गरी गतिविधि गर्नेलाई पार्टी विधानको धारा १२१(२) बमोजिम पार्टी सदस्यता पनि नरहने गरी कारबाही गरिएको छ ।’

    निष्कासनमा परेका नेता :

    १. धनश्याम भुसाल

    २. रामकुमारी झाँक्री

    ३. दामोदर भण्डारी

    ४. नन्दलाल बन्जाडे

    ५. धर्मराज तिम्सिना

    ६. कृष्णकुमार श्रेष्ठ (किसान)

     574629311 844696137960299 8964627864510346657 n

    प्रतिक्रिया दिनुहोस्
    images
    images