काठमाडौं– धितोपत्र दोस्रो बजार मापक नेप्से परिसूचक ११.२९ अंक घटेर बन्द भएको छ ।
साताको अन्तिम कारोबार दिन बिहीबार (कात्तिक २१) नेप्से परिसूचक ०.४३ प्रतिशतले घटेर २,५९६.१२ विन्दुमा बन्द भएको हो ।
कारोबार रकम बढेको छ ।
पाँच अर्ब ४१ करोड ६९ लाख रुपैयाँको सेयर खरिदबिक्री भएको छ ।
बुधबार चार अर्ब ६८ करोड १९ लाख रुपैयाँको सेयर खरिदबिक्री भएको थियो ।
आज ७७ कम्पनीको सेयरमूल्य बढेको छ ।
१६५ कम्पनीको सेयरमूल्य घटेको छ ।
नौ कम्पनीको सेयरमूल्य स्थिर छ ।
यस दिन दरमखोला हाइड्रो इनर्जीको सेयर मूल्य १० प्रतिशतले बढेको छ ।
माबिलुङ इनर्जीको सेयरमूल्य ९.९९ प्रतिशतले वृद्धि भएको छ ।
सम्पदा लघुवित्त वित्तीय संस्थाको सेयर मूल्य १० प्रतिशतले घटेको नेपाल स्टक एक्सचेन्ज (नेप्से)ले जनाएको छ ।
शिवम् सिमेन्टको सर्वाधिक मूल्यको सेयर खरिदबिक्री भएको छ ।
यो कम्पनीको ३० करोड ९१ लाख रुपैयाँको सेयर खरिदबिक्री भएको छ ।
कारोबारमा आएका १३ मध्ये उत्पादन तथा प्रशोधन र म्युचुअल फन्ड समूहको परिसूचक बढेको छ ।
बाँकी समूहको परिसूचक घटेको छ ।
उत्पादन तथा प्रशोधन समूहको परिसूचक ०.१२ प्रतिशतले बढेको छ भने म्युचुअल फन्ड समूहको परिसूचक ०.१९ प्रतिशतले बढेको छ ।























