विश्व खबर 
काठमाडौं– नबिल बैंकका सिनियर डेपुटी प्रमुख कार्यकारी अधिकृत (सीडीसीईओ) सुजितकुमार शाक्य एनआईसी एसिया बैंकको प्रमुख कार्यकारी अधिकृत (सीईओ) नियुक्त भएका छन् ।
सोमबार बसेको एनआईसी एसिया बैंक सञ्चालक समितिको बैठकले शाक्यलाई चारवर्षे कार्यकालका लागि सीईओ नियुक्त गरेको हो ।
शाक्यसँग आगामी ३० दिनभित्र बैंकमा कार्यभार सम्हाल्नुपर्ने गरी समझदारी भएको छ । तत्कालीन सीईओ रोशनकुमार न्यौपानेले असोज १ गते राजीनामा दिएका थिए ।
नबिल बैंकमा सिनियर डेपुटी सीईओ रहेका शाक्यले राजीनामा दिने तयारी गरेका छन् । उनी सन् २०२० मा नबिल भित्रिएका हुन् ।
शाक्य बैंकिङ क्षेत्रको वित्तीय विश्लेषक हुन् । नेपाल श्रीलंका मर्चेन्ट बैंकबाट वित्तीय क्षेत्र प्रवेश गरेका उनले हिमालयन बैंकमा लक्ष्मी बैंकमा पनि काम गरिसकेका छन् ।
उनले कर्पोरेट बैंकिङ, संस्था लायबलिटिको पनि अनुभव संगालिसकेका छन् । उनी एनआईसी एसिया बैंक, सिभिल बैंक, जनता बैंक, ग्लोबल आईएमई हुँदै नबिल बैंक प्रवेश गरेका हुन् ।
बैंकिङ क्षेत्रमा उनको २८ वर्षभन्दा बढी अनुभव छ ।
प्रतिक्रिया दिनुहोस्