images
images
  • नियमित नभए विशेष महाधिवेशन गर्न शेखर कोइराला सहमत

    काठमाडौं– नेपाली कांग्रेसको विशेष महाधिवेशनको माग गर्दै हस्ताक्षर अभियानको नेतृत्व गरेका नेताहरूले पार्टीका नेता डा. शेखर कोइरालासँग विशेष महाधिवेशनको नेतृत्व लिएर वातावरण बनाउन आग्रह गरेका छन् ।

    कोइरालाको सम्पर्क कार्यालयमा आज सामूहिक रुपमा भेट गर्न गएको समूहसँग कोइरालाले विशेष महाधिवेशनमा सकारात्मक देखिएका छन् ।

    ‘नियमिति महाधिवेशन भएन भने विशेष महाधिवेशन गर्नुपर्छ भन्नेमा उहाँ सकारात्मक हुनुहुन्छ भन्ने पायौँ,’ बालुवाटार पुगेका नेता डिल्लीराम सुवेदीले शिलापत्रसँग भने ।

    उनीहरू नेता कोइरालासँग ५४ प्रतिशत महाधिवेशन प्रतिनिधिको माग पार्टीको केन्द्रीय कार्यसमिति बैठकमा प्रवेश पाउन नसक्नुको कारणबारे पनि गुनासो गरेका थिए ।

    नेता कोइरालाले मंसिरभित्रै नियमित महाधिवेशनको विषय र विशेष महाधिवशेनमा जाने विषयमा आफूले समन्वय गरिराखेको जवाफ दिएका थिए ।

    नेता सुवेदीका अनुसार कोइरालाले केन्द्रीय कार्यसमिति बैठकमा महाधिवेशनबारे ‘दुइटा प्रस्ताव नआओस्’ भन्ने चाहना आफ्नो रहेको पनि बताए ।

    प्रतिक्रिया दिनुहोस्
    images
    images