काठमाडौं– लामो समयदेखि रोकिएको काठमाडौं महानगरपालिकाको बजेट प्रक्रिया अघि बढ्ने संकेत देखिएको छ ।
महानगरका मेयर बालेन साहले शुक्रबार दिउँसो २ बजेका लागि कार्यपालिका बैठक आह्वान गरेका छन् ।
महानगरका सञ्चार विज्ञ सुरेन्द्र बजगाईंका अनुसार कार्यपालिका बैठकअघि बिहान ११ बजे बजेट स्रोत समितिको बैठक बस्नेछ ।
सोही दिन उपमेयर सुनिता डंगोलको नेतृत्वमा रहेको बजेट तथा कार्यक्रम तर्जुमा समितिको बैठक पनि तय गरिएको छ ।
यी सबै प्रारम्भिक छलफलहरूपछि दिउँसो २ बजे कार्यपालिका बैठक हुनेछ ।
बैठकले आगामी आर्थिक वर्षका लागि नीति, कार्यक्रम र बजेट तयार गरी नगर सभामा पेस गर्ने निर्णय गर्ने अपेक्षा गरिएको छ ।
महानगरको बजेट प्रक्रियामा पछिल्ला दिनमा देखिएको अन्तरविरोधका कारण नीति तथा कार्यक्रम पारित हुन सकेको थिएन ।
तर, अब प्रक्रिया नियमित हुने संकेत देखिएको छ ।
प्रतिक्रिया दिनुहोस्























