विश्व खबर 
काठमाडौं । कर्णाली डेभलपमेन्ट बैंक लिमिटेडका संस्थापक अध्यक्ष तथा प्रमुख कार्यकारी अधिकृत (सीईओ) राजेन्द्रवीर रायलाई प्रहरीले पक्राउ गरेको छ ।
बाँकेमा बसोबास गर्दै आएका सल्यान स्थायी निवासी ६५ वर्षीय रायलाई शनिबार रुपन्देहीको बेलहिया नाका क्षेत्रबाट केन्द्रीय अनुसन्धान ब्यूरो (सीआईबी) को टोलीले पक्राउ गरेको हो ।
प्रहरीका अनुसार रायले पटक–पटक बैंकको अध्यक्ष भएर काम गर्दा बैंकमा संलग्न बचतकर्ताहरूको २५० करोड रुपैयाँभन्दा बढी रकम हिनामिना गरी फरार भएका थिए ।
उनविरुद्ध बैंकिङ कसुर तथा सजाय ऐन, २०६४ अनुसारको मुद्दामा नेपाल राष्ट्र बैंकको समन्वयमा थप अनुसन्धान भइरहेको सीआईबीले जनाएको छ ।
प्रतिक्रिया दिनुहोस्
