विश्व खबर 
काठमाडौं । सरकार र शिक्षक महासंघबीच भएको वार्ताप्रति विद्यालय कर्मचारी असन्तुष्ट भएका छन् ।
सरकार र शिक्षकबीच भएको ९ बुँदे सहमतिमा आफ्ना मागहरू सम्बोधन नभएको भन्दै विद्यालय कर्मचारी परिषद्का महासचिव शान्तिनाथ योगीलेसामाजिक सञ्जालमार्फत असन्तुष्टि जनाएका छन् ।
उनले विद्यालय कर्मचारीलाई सदैव सरकारले अन्यायपूर्ण व्यवहार गरेर चरम श्रम शोषण गरिरहेको अवस्थामा अहिले शिक्षकहरूबाटसमेत अपमान भएको सामाजिक सञ्जालमा लेखेका छन् ।
यसअघि २०६७ साल कात्तिक ११ गते भएको सहमति र हिजोको सहमति विद्यालय कर्मचारीका लागि उस्तै भएको उनको भनाइ छ ।
योगीले आफूहरू तत्काल समीक्षा बैठक गरेर धारणा सार्वजनिक गर्ने बताएका छन् । उनले आफूहरूको माग सम्बोधन गर्न सरकार तत्पर नभए पुनः सडक आन्दोलनमा उत्रिने चेतावनी दिएका छन् ।
विद्यालय कर्मचारी परिषद् केहीबेरमा छलफलका लागि बैठक बस्दैछ ।
प्रतिक्रिया दिनुहोस्
