विश्व खबर 
गत चैत १५ गते काठमाडौँको तीनकुनेमा राजावादी प्रदर्शनमा आगोमा जलेर मृत्यु भएका पत्रकार सुरेश रजकको पोस्टमार्टम सम्पन्न भएको छ ।
त्रिवि शिक्षण अस्पतालका फोरेन्सिक चिकित्सकका अनुसार, रजकको मृत्यु जलेर भएको पुष्टि भएको हो । शरीरमा गोली लागेको कुनै प्रमाण भेटिएको छैन ।
चिकित्सकका अनुसार, रजकको श्वासप्रश्वास नलीमा धुवाँको मुस्लो गएको र उनी जीवित अवस्थामा आगो लागेको पुष्टि भएको छ।
रजकको एक्स–रे रिपोर्टपछि पोस्टमार्टम गरिएको हो । शव परिवारलाई बुझाउने तयारी भइरहेको छ ।
प्रतिक्रिया दिनुहोस्
