विश्व खबर 
दाङ । नेकपा एमाले जिल्ला कमिटी दाङले घोराही ८ का वडा अध्यक्ष जितेन्द्र शाहलाई कारबाही गरेको छ । एमाले जिल्ला कमिटीको आज पार्टी कार्यालय भरतपुरमा बसेको बैठकले वडा अध्यक्ष शाहलाई कारबाही गर्ने निर्णय गरेको हो ।
२०७९ को आम निर्वाचनमा नेकपा एमालेका तर्फबाट निर्वाचित अध्यक्ष शाहलाई साधारण सदस्य समेत नरहने गरी कारबाही गरिएको नेकपा एमाले दाङका प्रचार विभाग प्रमुख सङ्गीत बस्यालले जानकारी दिए ।
एमाले दाङका अध्यक्ष शिवकुमार आचार्यको अध्यक्षता तथा एमाले पोलिटब्युरो सदस्य एव घोराही उपमहानगरका मेयर नरुलाल चौधरीको प्रमुख आतिथ्यतामा बसेको जिल्ला कमिटीको बहुमत सदस्यहरूको बैठकबाट शाहलाई कारबाही गर्ने निर्णय गरेको हो ।
बैठकमा केन्द्रीय सदस्यहरू जीवन गौतम, घनश्याम पाण्डे, भागवत विश्वासी, कोमल वली, सिता सिग्देल, साजिदा सिद्धिकी सहितका नेताहरूको उपस्थिति रहेको थियो।
अब एमाले जिल्ला कमिटी बैठकको निर्णय पार्टी केन्द्रीय कार्यालयमा पठाएमा र पार्टीको केन्द्रीय कमिटीले निर्वाचन आयोगलाई पत्राचार गरेमा घोराही ८ को वडा अध्यक्ष पद रिक्त हुनेछ ।
