विश्व खबर 
काठमाडौं । टाटा मोटर्सले दशैं आसपासमा मात्रै ७५१ वटा गाडी डेलिभरी गरेको छ ।
कम्पनीका अनुसार पन्च ईभी, टियागो ईभी, टिगोर ईभी, एक्प्रेस–टी र आइस गाडी गरी ७ सय ५१ भन्दा बढी गाडी नेपाली बजारमा डेलिभरी गरिएको हो ।
नाडा अटो शोमा ४७५ बुकिङ लिएर बिक्री सुरुवात गरेको टाटा पन्च ईभी यो दशैंमा ३७७ युनिट डेलिभरी भएको कम्पनीले जनाएको छ । कम्पनीले सुरुवाती मूल्य ३३ लाख ९९ हजार रुपैयाँ तोके पनि पन्च ईभीमा सोचेभन्दा उत्साहजनक डेलिभरी भएको नेपालस्थित टाटा मोटरको आधिकारिक विक्रेता सिप्रदीले जनाएको छ ।
गत वर्षको नाडा अटो शोमा नै लन्च भएको टियागो ईभी समेत यो दशैंमा १५६ युनिट डेलिभरी भएको कम्पनीले जनाएको छ ।
यसका साथै साथै टाटाको टिगोर ईभी १० युनिट र आइस गाडी ५२ युनिट डेलिभरी भएको कम्पनीले जनाएको छ ।
यो दशैंमा एक्प्रेस–टीको पनि राम्रो संख्यामा डेलिभरी भएको छ । एक्प्रेस–टी १५६ डेलिभरी भए सँगै सिप्रदीले यो दशैंमा ७५१ टाटा कार डेलिभरि गरेको हो ।
प्रतिक्रिया दिनुहोस्