काठमाडौं । काठमाडौं उपत्यकामा पछिल्लो २४ घण्टामा ५९८ जनामा कोरोना संक्रमण पुष्टि भएको छ ।
पछिल्लो २४ घण्टामा थपिएका संक्रमितमा काठमाडौंमा मात्रै ३९१ जना छन् । यस्तै, ललितपुरमा १३० र भक्तपुरमा ७७ संक्रमित थपिएका हुन् । पछिल्ला दिनमा उपत्यकामा दैनिक थपिने संक्रमितको संख्यामा कमी देखिएको छ ।
पछिल्लो २४ घण्टामा १४ हजार ४९४ वटा नमुनाको परीक्षण गर्दा देशभर ३ हजार ३८४ जनामा संक्रमण देखिएको थियो । त्यसमध्ये काठमाडौं काठमाडौं उपत्यकामा मात्रै ५९८ संक्रमित थपिएका हुन् ।
देशमा पछिल्लो २४ घण्टामा कोरोनाका कारण ६१ जनाको मृत्यु पुष्टि भएको छ । यस्तै, पछिल्लो २४ घण्टामा ६ हजार २९५ जना निको भएका स्वास्थ्य तथा जनसंख्या मन्त्रालयले शनिबार जनाएको छ ।
प्रकाशित मिति २०७८ जेठ २९ गते शनिवार ११:४६
