विश्व खबर 
काठमाडौं- दाङमा पूर्व–पश्चिम राजमार्गमा बम विस्फोट भएको छ । हिजो (शनिबार) बम विस्फोट भएको जिल्ला प्रहरी कार्यालय दाङले जनाएको छ ।
उक्त प्रहरी कार्यालयका अनुसार हिजो राति जिल्लाको राप्ती सोनारी गाउँपालिका–९ ढकेरी नजिकै बम विस्फोट भएको थयो ।
१० वर्षे सशस्त्र संघर्षको बेला राखिएको बमको अवशेष पड्किएको हुनसक्ने जिल्ला प्रहरी कार्यालय दाङले बताएको छ ।
बम विस्फोटका कारण राजमार्गको आधा खण्ड भत्किएको छ । सडक भ्वाङ्गै भ्वाङ्ग परेको प्रहरीले बताएको छ ।
यद्यपि राजमार्गमा चल्ने यातायात भने नरोकिएको प्रहरीले बतायो ।
प्रतिक्रिया दिनुहोस्
