विश्व खबर 
नेपालगञ्ज । बाँकेमा सोमबार राती तीन जना कोरोना संक्रमितको मृत्यु भएको छ । मृत्यु हुनेमा बाँके, बर्दिया र दाङ जिल्लाका हुन् ।
दाङ लमही नगरपालिका वडा नम्बर ८ का ६३ वर्षीय पुरुषको भेरी अस्पतालमा मृत्यु भएको छ । जेठ ८ गते भर्ना गरिएका उनलाई ९ गते एन्टिजेन जाँच गरिएको थियो ।
बर्दिया बढैयाताल गाउँपालिका वडा नम्बर ४ का ६१ वर्षीय पुरुषको भेरी अस्पतालमै मृत्यु भएको छ । जेठ २० गते एन्टिजेन जाँच गरिएको उनलाई त्यही दिन भर्ना गरिएको थियो ।
यस्तै बाँके कोहलपुर नगरपालिका वडा नम्बर ११ का ६५ वर्षीय पुरुषको कोहलपुर मेडिकल कलेजमा मृत्यु भएको छ । जेठ १९ गते भर्ना गरिएको उनको त्यही दिन एन्टिजेन जाँच गरिएको थियो ।
योसँगै बाँकेमा कोरोनाबाट ३ सय ३ जनाको मृत्यु भएको छ । बाहिरी जिल्लाबाट उपचार गराउन आउँदा ३ सय १२ जनाको मृत्यु भइसकेको छ।
प्रतिक्रिया दिनुहोस्
