विश्व खबर 
काठमाडौं- जनकपुरमा जारी नेपाली कांग्रेस प्रदेश २ को प्रथम अधिवेशनअन्तर्गत नयाँ नेतृत्व चयनका लागि भएको चुनावमा सभापतिसहित सबै पदाधिकारीमा केन्द्रीय सभापति शेरबहादुर देउवा पक्षका उम्मेदवार विजयी भएका छन्।
विमलेन्द्र निधि–शेखर कोइराला प्यानलका उम्मेदवारलाई हराउँदै प्रदेश २ समितिका आठै पदाधिकारीमा देउवा पक्षको जित भएको हो। आठ पदाधिकारीसहित ६७ पदका लागि बिहीबार निर्वाचन भएको हो ।
जसको हालसम्मको मतगणना परिणामअनुसार शुक्रबार बिहानै निधि ९ कोइराला पक्षबाट सभापति पदका उम्मेदवार रामसरोज यादवलाई १४१ मत अन्तरले हराउँदै देउवा पक्षका कृष्ण यादव विजयी भइसकेका छन् ।
त्यसपछि अन्य पदाधिकारीको मतगणना गरिएको हो। शुक्रबार राति १० बजे सम्पन्न मतगणनाको नतिजाअनुसार उपसभापतिदेखि सहमहान्त्रीसम्म सबै पदाधिकारीमा देउवा पक्षकै उम्मेदवार विजयी भएका हुन् ।
जसनअनुसार प्रदेश उपसभापतिमा वीरेन्द्रप्रसाद सिंह र चन्द्रशेखर यादव विजयी भएका छन्। त्यसैगरी महामन्त्रीमा उपेन्द्रकुमार यादव र वृहस्पति कृष्ण श्रेष्ठ विजयी भएका छन्। सहमहामन्त्री खुलातर्फ दुई सिटका लागि भएको मतदानमा जय नारायण प्रसाद यादव र परशुराम चौधरी विजयी भएका छन् ।
यसैगरी सहमहामन्त्री महिलातर्फ बिन्दुकुमारी यादवको जित भएको छ । सभापतिसहित प्रदेश २ का आठै पद देउवा समूहको पोल्टामा परेको हो ।
कुन उम्मेदवारले कति मत ल्याए ?
सभापति
कृष्ण यादव – ९९६ विजयी
रामसरोज यादव – ८५५
उपसभापति
चन्द्रशेखर यादव – ८९५ विजयी
धनलाल ठोकर – ६३६
विनोदकुमार खनाल – ७४०
वीरेन्द्रप्रसाद सिंह – १०१९ विजयी
राधाप्रसाद यादव – १२४
महामन्त्रीका उम्मेदवार
उपेन्द्रकुमार यादव – ९५९ विजयी
नरेश यादव – ७७५
विनोद चौधरी – १९५
वृहस्पति कृष्ण श्रेष्ठ – ७८८ विजयी
हरेशप्रसाद महतो – ७०३
सहमहामन्त्री
अरविन्द अमात्य – २५७
जयनारायण प्रसाद यादव – ८७९ विजयी
नारायण चौधरि–६०१
परशुराम चौधरी – ८२२ विजयी
विनोदकुमार यादव – ६९१
रामनारायण महासेठ – ९७
सहमहामन्त्री महिला
बिन्दुकुमारी यादव – ८८९ विजयी
भीमादेवी शर्मा – ५३२
रीता यादव – १५६
रेखादेवी महरान – ७६
अब प्रदेश सदस्यहरूको मतगणना गर्न बाँकी छ ।
जनकपुरधामस्थित गोपाल धर्मशालामा जारी कांग्रेसको प्रथम अधिवेशनमा ७२ पदका लागि १८० जनाले उम्मेदवारी दिएका थिए। तर यीमध्ये ५ सदस्य निर्विरोध चयन भइसकेकाले बाँकी ६७ पदका लागि बिहीबार मतदान भएको हो।
नरेश यादवको आपत्ति र उजुरी
महामन्त्रीमा १३ मतान्तरले पराजित भएको भनिएका नरेश यादव भने मतपरिणाम प्रती आपत्ति जनाउदै जुरुरी दिएका छन् ।
उनलाई पहिला विजयी भनेर घोषणा गरिएको तर पछि उनको स्थानमा बृहस्पति कृष्ण श्रेष्ठ निर्वाचित भएको घोषणा गरिएको भन्दै उनले निर्वाचन समितिमा उजुरी दिएका छन् ।
अन्तिम मतपरिणाम अनुसार विजयी भनिएका श्रेष्ठको मत ७८८ छ भने यादवको मत ७७५ रहेको छ । सुरुमा नरेशका समर्थकहरुले विरोध जनाएको र पछि निर्वाचन समितिमा उजुरी दिएका छन् ।
