विश्व खबर 
काठमाडौं – सरकारले पेट्रोलियम पदार्थमा बढाएको मूल्यवृद्धिको खारेजको माग गर्दै प्रदर्शन भएको छ । काठमाडौंमा विभिन्न दलनिकट विद्यार्थीहरूले प्रदर्शनीमार्गस्थित रत्नराज्यलक्ष्मी क्याम्पसबाट सिलिन्डर बोकेर प्रदर्शन गरेका हुन् ।
ग्यास सिलिन्डर बोक्दै सत्तारुढ दलको भातृ संगठनसहितको विद्यार्थी युनियनले विरोध प्रदर्शन गरेको छ। विद्यार्थीहरूले सिलिन्डरमा विभिन्न पर्चा टाँसेका थिए । पर्चामा ‘मलाई किन यति अमूल्य बनायौँ ?, गरिब जनताको घरमा म कसरी बल्ने ?, मलाई बल्न देउ’, लेखिएको थियो ।
सरकारले केही समयअघि खाना पकाउने ग्याससहित पेट्रोलियम पदार्थको मूल्य बढाएपछि निरन्तर आन्दोलन जारी छ । सरकारले केहीदिन अघिमात्रै पेट्रोल र डिजेलमा ३-३ रुपैयाँ बढाएको थियो। यस्तै, ग्यास सिलिन्डरमा पनि ७५ रुपैयाँ बढाएको थियो।
प्रतिक्रिया दिनुहोस्
