विश्व खबर 
वरिष्ठ नेता रामचन्द्र पौडेलनिकट चारजना जिल्ला सभापति विजयी भएका छन् । संस्थापन पक्षले मनाङ, हुम्ला र ताप्लेजुङको सभापति जितेको छ । पौडेल पक्षले मुस्ताङ, रुकुम पूर्व, कालीकोट र संखुवासभामा सभापति जितेको छ ।
संखुवासभामा पौडेल पक्षका दीपक खड्काले देउवा पक्षका राइमान राईलाई भारी मतान्तरले पराजित गरेका छन् । संखुवासभामा कुल खसेको एक हजार ३४९ मतमा खड्काले एक हजार १८९ र राईले ११० मत मात्रै प्राप्त गरे ।
दोलखामा पौडेल पक्षका बर्मा लामा पहिलो र कृष्ण सिटौला पक्षका तारा खड्का दोस्रो हुँदा देउवा पक्षका रुद्रबहादुर खड्का तेस्रो भएका छन् । दोलखामा सभापति चयनका लागि लामा र खड्काबीच आज १२ बजेदेखि मतदान हुने निर्वाचन समितिले जनाएको छ ।
देउवा पक्ष :
मनाङ– शंकर गुरुङ
हुम्ला–मोहनविक्रम सिंह
ताप्लेजुङ–गजेन्द्रप्रसाद तुम्याहाङ
पौडेल पक्ष :
मुस्ताङ– रोमी गौचन थकाली
रुकुम पूर्व– केशरमान रोका
कालीकोट– अम्मबहादुर शाही
संखुवासभा– दीपक खड्का
