विश्व खबर 
काठमाडौँ । बालाजु औद्योगिक क्षेत्रमा भीषण आगलागी भएको छ ।
काठमाडौँ महानगरपालिका–१६ मा पर्ने औद्योगिक क्षेत्रमा रहेको एक बिस्कुट उद्योगमा बिहान २ बजेदेखि लागेको आगो निभाउने प्रयास भइरहेको छ ।
आगो ८ दमकल, २ दर्जन पानी ट्यांकर, स्थानीयबासी र सुरक्षाकर्मीको सहयोगमा आगलागी नियन्त्रणको प्रयास भइरहेको प्रहरीले जनाएको छ ।राति दुई बजेदेखि सुरु भएको आगलागी अझै नियन्त्रणमा आउन सकेको छैन । आगलागीका कारण अझैसम्म खुल्न सकेको छैन ।
विद्युत् सर्ट भएर आगलागी भएको हुनसक्ने प्रहरीको अनुमान छ । आगलागीबाट मानविय क्षति भने नभएको प्रहरीले जनाएको छ ।
प्रतिक्रिया दिनुहोस्
