विश्व खबर 
हेटौंडा– मकवानपुरको इन्द्रसरोवर गाउँपालिका–२ सुकौरामा यात्रुबाहक विद्युतीय गाडी (ईभी) दुर्घटना हुँदा चार जनाको ज्यान गएको छ भने चार जना घाइते भएका छन् ।
काठमाडौंबाट वीरगञ्जतर्फ जाँदै गरेको म.प्र.०३–००१ ज ०७२० नम्बरको यात्रुबाहक ईभी मंगलबार दिउँसो हेटौंडा–भीमफेदी–कुलेखानी–फाखेल सडकखण्डमा दुर्घटनामा परेको हो ।
प्राप्त जानकारी अनुसार सो गाडी सडकबाट करिब १ हजार मिटर तल खसेको थियो । दुर्घटनामा चालकसहित चार जना पुरुषको घटनास्थलमै मृत्यु भएको तथा दुई महिला र दुई पुरुष घाइते भएका छन् ।
घाइतेमध्ये दुई पुरुष र एक महिलालाई उपचारका लागि काठमाडौं पठाइएको छ भने एक महिलालाई उपचारका लागि हेटौंडा पठाइएको छ ।
मृत्यु
१. नर बहादुर सिंह ठकुरी (२४) । कावासोती–१, नवलपरासी पूर्व ।
२. सुरज भट्टराई (४३) । धनुषाधाम–४, धनुषा ।
३. भुवनेश्वर साह कानु । छिपहरमाइ–२, टिहुकी, पर्सा ।
४. सरफरोस मियाँ (३२) । परवानीपुर–३, लिप्निमाल, बारा ।
घाइते
१. अमिर अन्सारी (२०) । कलैया–२४, बारा (चालक) । (काठमाडौंमा उपचार)
२. राजकुमार स्याङतान (२३) । मकवानपुरगढी–१, मकवानपुर । (काठमाडौंमा उपचार)
३. कल्पना तामाङ (२३) । हेटौँडा–११, मकवानपुर । (काठमाडौंमा उपचार)
४. बबिया कुमारी यादव (२१) । महागढीमाई–११, बारा । (हेटौंडामा उपचार)
