विश्व खबर 
काठमाडौं– स्वास्थ्य तथा खाद्य स्वच्छता मन्त्रालयले ‘मानव शरीर जलन (उपचार तथा पुनर्स्थापना) सम्बन्धमा व्यवस्था गर्न बनेको विधेयक’ को मस्यौदामाथि सार्वजनिक राय, सुझाव तथा टिप्पणी माग गरेको छ ।
मन्त्रालयले विधेयकसम्बन्धी राय, सुझाव वा टिप्पणी भए निर्धारित ढाँचामा उपलब्ध गराउन आग्रह गरेको हो ।
मन्त्रालयको कानून शाखाले सम्बन्धित सरोकारवाला तथा सर्वसाधारणलाई विधेयकको मस्यौदा अध्ययन गरी सुझाव पठाउन आह्वान गरेको हो ।
मन्त्रालयका अनुसार प्राप्त हुने राय, सुझाव तथा टिप्पणीलाई विधेयकको मस्यौदा परिमार्जन तथा आवश्यक कानूनी प्रक्रिया अघि बढाउने क्रममा समेटिनेछ ।
मन्त्रालयले तोकेको ७ दिनको समयसीमा अर्थात् भदौ ३ गतेसम्म राय, सुझाव वा टिप्पणी पठाउनुपर्ने छ । सुझावहरू मन्त्रालयको कानून शाखाको इमेलमा पठाउन सकिने जानकारी दिइएको छ ।
- यस्तो छ विधेयक क्लिक गरेर हेर्नुहोस्
- आफ्नो सुझाव यहाँबाट पठाउनुहोस् : [email protected]
प्रतिक्रिया दिनुहोस्
