विश्व खबर 
काठमाडौं– अमेरिकी राष्ट्रपति डोनाल्ड ट्रम्पले चिनियाँ राष्ट्रपति सी चिनफिङसँग सेप्टेम्बर २४ तिर भेट हुने अपेक्षा गरेको बताएका छन् ।
ह्वाइट हाउसमा नयाँ बलरूम निर्माणबारे छलफलका क्रममा उनले सीको सम्भावित भ्रमणको उल्लेख गरेका हुन् ।
उक्त समय न्यूयोर्कमा संयुक्त राष्ट्रसंघको महासभा हुने भएकाले दुवै नेताबीच भेटवार्ता हुने अनुमान गरिएको छ ।
यसअघि ट्रम्पले सेप्टेम्बरमा सीको स्वागत गर्ने बताएका भए पनि मिति पहिलो पटक सार्वजनिक गरेका हुन् ।
यसअघि बेइजिङमा भएको भेटमा दुवै नेताले व्यापार तथा ताइवानको विषयमा छलफल गरेका थिए ।
सीले ताइवान मुद्दा गलत ढंगले व्यवस्थापन भए चीन–अमेरिका सम्बन्ध गम्भीर संकटमा पर्न सक्ने चेतावनी दिएका थिए ।
प्रतिक्रिया दिनुहोस्
