विश्व खबर 
काठमाडौं– नेपाल स्टक एक्स्चेन्ज (नेप्से) परिसूचक बिहीबार दोहोरो अंकले घटिएको छ ।
१७.५३ अंकले घटेर नेप्से २७१४.०५ बिन्दुमा झरेको हो ।
१७० कम्पनीको सेयर मूल्य घट्दा बजार सूचक दबाबमा परेको हो ।
यद्यपि, कारोबार रकममा भने सुधार आएको छ ।
बुधबार ११ अर्बको कारोबार भएकोमा बिहीबार १४ अर्ब ५६ करोड रुपैयाँ बराबरको सेयर किनबेच भएको नेप्सेले जनाएको छ ।
आगामी २१ फागुनको निर्वाचन खर्च जुटाउन लगानीकर्ताले सेयर बिक्री बढाएको अनुमान गरिएको छ ।
बिहीबार ८५ कम्पनीको सेयर मूल्य बढ्दा ७ कम्पनी स्थिर रहे ।
हिमालय दोलखा र शिवश्री हाइड्रोपावरको सेयर ९ प्रतिशतभन्दा बढीले बढ्यो ।
समूहगत रूपमा अधिकांश सूचक घट्दा जलविद्युत्, लगानी र सामूहिक लगानी कोष भने सामान्य बढेका छन् ।
कुल ३२० कम्पनीका ३ करोड ५४ लाख कित्ता सेयर कारोबार भएको छ ।
प्रतिक्रिया दिनुहोस्
