विश्व खबर 
काठमाडौं– नेपाली बजारमा बुधबार सुनको मूल्यले नयाँ रेकर्ड बनाएको छ ।
नेपाल सुनचाँदी व्यवसायी महासंघका अनुसार छापावाल सुनको मूल्य तोलामा ३ लाख १८ हजार ८०० रुपैयाँ पुगेको हो ।
मंगलबार छापावाल सुनको मूल्य तोलामा ३ लाख ९ हजार ३०० रुपैयाँ रहेको थियो ।
एकै दिनमा झन्डै ९ हजार ५०० रुपैयाँले वृद्धि भएसँगै सुनको मूल्य ऐतिहासिक उच्च विन्दुमा पुगेको महासंघले जनाएको छ ।
यसैगरी आज १० ग्राम सुनको मूल्य २ लाख ७३ हजार ३२० रुपैयाँ कायम भएको छ ।
चाँदीको मूल्य पनि बढेको छ । बुधबार चाँदी तोलामा ७ हजार ३०० रुपैयाँ पुगेको छ ।
अघिल्लो दिन चाँदीको मूल्य तोलामा ६ हजार ८७० रुपैयाँ थियो ।
महासंघका अनुसार हाल कायम भएको सुन र चाँदीको मूल्य नेपाली बजारमा हालसम्मकै उच्च हो ।
प्रतिक्रिया दिनुहोस्
