विश्व खबर 
काठमाडौं– लक्ष्मी सनराइज बैंकको नाफामा व्यापक गिरावट आएको छ ।
बैंकले सार्वजनिक गरेको पहिलो त्रैमासको अपरिष्कृत वित्तीय विवरणअनुसार बैंकको नाफामा ३८.०४ प्रतिशतले गिरावट आएको हो ।
गत वर्ष पहिलो त्रैमासिकमा कुल ५३ करोड ६३ लाखबराबरको नाफा कमाएको बैंकले चालू आवको सोही अवधिमा जम्मा ३३ करोड २३ लाख मात्रै नाफा कमाउन पुगेको हो ।
पहिलो त्रैमासिकमा बैंकको खुद ब्याज आम्दानी बढे पनि सञ्चालन मुनाफा घटेको छ भने इम्पेयरमेन्ट चार्ज पनि बढ्दा त्यसको असर खुद नाफामा देखिन पुगेको हो ।
चालू आवमा खुद ब्याज आम्दानी १.५९ प्रतिशत र खुद फि तथा कमिसन आम्दानी २६.५९ प्रतिशत बढेको छ ।
त्यस्तै, बैंकको कुल सञ्चालन आम्दानी १४.८० प्रतिशत बढेको छ भने सञ्चालन मुनाफा ४२.११ प्रतिशत घटेको छ ।
यो अवधिमा बैंकको इम्पेरमेन्ट चार्ज १ अर्ब १६ करोड ७९ लाख रुपैयाँबाट बढेर १ अर्ब ९३ करोड ९१ लाख रुपैयाँ पुगेको छ ।
