images
images
  • झलनाथ खनाललाई तेस्रो वरियतामा राख्ने सहमति

    काठमाडौं– बुधबार घोषणा हुँदै गरेको नयाँ नेपाली कम्युनिस्ट पार्टीमा नेकपा (एकीकृत समाजवादी)का वरिष्ठ नेता झलनाथ खनालले तेस्रो वरियता पाउने भएका छन् ।

    माओवादी केन्द्रका अध्यक्ष पुष्पकमल दाहाल ‘प्रचण्ड’सहित शीर्ष नेताहरूबीच बुधबार बिहान भएको छलफलमा खनाललाई तेस्रो वरियतामा राख्ने सहमति भएको हो ।

    यसअघि बामदेव गौतमलाई तेस्रो वरियतामा राखिएको थियो, जसप्रति खनाल असन्तुष्ट थिए ।

    अन्ततः उनी भृकुटीमण्डपमा भएको घोषणा सभामा सहभागी भएका छन् ।

    पार्टीमा प्रचण्ड पहिलो, माधव कुमार नेपाल दोस्रो, खनाल तेस्रो, बामदेव चौथो र नारायणकाजी श्रेष्ठ पाँचौं वरियतामा रहनेछन् ।

    खनालले हिजो मात्रै नेकपा (एमाले)का अध्यक्ष केपी शर्मा ओलीसँग पनि छलफल गरेका थिए ।

    सुरुमा पार्टी पुनर्गठनमा जाने संकेत दिएका थिए ।

    तर, अन्तिममा प्रचण्ड–माधव समूहतिरै सहमत भएका हुन् ।

    प्रतिक्रिया दिनुहोस्
    images
    images