विश्व खबर 
काठमाडौं । अरनिको राजमार्गमा सुख्खा पहिरो खस्दा गएराती देखि राजमार्ग अवरुद्ध भएको छ ।
सडक अवरुद्ध भएपछि दशैंका बेला ओहोरदोहोर गर्ने यात्रुहरु बीचबाटोमा अलपत्र परेका छन् । सुक्खा पहिरो खसेको दुवैपट्टी सवारी साधनको लामो लाइन लागेको छ ।
काभ्रेको पाँचखाल नगरपालिका–८ मा गएराति खसेको सुख्खा पहिरोका कारण राजमार्ग अवरुद्ध भएको हो ।
पहिरो पन्छाएर सडक खुलाउने प्रयास भइरहेको काभ्रे प्रहरीले जनाएको छ ।
राजमार्ग अवरुद्ध हुँदा लामो समयदेखि सयौं सवारी साधनहरुको लाइन लागेको प्रहरीले जनाएको छ ।
यस अघि सिद्धिचरण राजमार्ग र बीपी राजमार्गमा समेत सुक्खा पहिरो खस्दा सडक अवरुद्ध भएका थिए ।
बीपी राजमार्गमा त टाटा सुमो जीप नै आधा पुरिएको थियो भने एउटा बस र एउटा डोजरलाई पहिरोले पल्टाएको थियो ।
गत असोज ११ र १२ गते आएको अविरल वर्षाका कारण अहिले देशका धेरै जसो ठाउँमा सुक्खा पहिरो जाने समस्या देखिएको छ ।
प्रतिक्रिया दिनुहोस्