विश्व खबर 
काठमाडौं- भारत सरकारले नेपाललाई गर्ने सहयोग रकम घटाएको छ । भारतीय वित्तमन्त्री निर्मला सीतारमणले पेस गरेको सन् २०२३-२४ को नयाँ बजेटमा नेपाललाई ५ अर्ब ५० करोड भारतीय रुपैयाँ अर्थात आठ अर्ब ८० करोड नेपाली रुपैयाँसहयोग गर्ने घोषणा गरेकी छिन् ।
बुधबार संसद भवनमा बजेट पेश गर्दै वित्त मन्त्री सीतारमणले २ अर्ब भारतीय रुपैयाँ घटाएर पाँच अर्ब ५० करोड भारतीय रुपैयाँ सहयोग गर्ने घोषणा गरेकी हुन् । गत वर्ष नेपाललाई ७ अर्ब ५० करोड भारु अर्थात १२ अर्ब नेपाली रुपैयाँ सहयोग गर्ने बजेटमा समेटिएको थियो ।
सन् २०२१–२२ को बजेटमा भारतले नेपाललाई नौ अर्ब ९२ करोड भारु (१५ अर्ब ८७ करोड रुपैयाँ) अनुदान छुट्याएको थियो।
वित्तमन्त्री निर्मला सीतारमणले पेस गरेको सन् २०२३-२४ को नयाँ बजेटमा भुटानलाई २४ अर्ब रुपैयाँ सहयोग गर्ने उल्लेख गरेकी छन् ।
कुनलाई कति?
छिमेकीलाई दिने अनुदानमा यो वर्ष भारतले हेरफेर गरेको छ।
मौरिसस : ४ अर्ब ६० करोड ७९ लाख भारु
म्यानमार : ४ अर्ब (भारु)
अफगानिस्तान : २ अर्ब भारु
बंगलादेश : २ अर्ब भारु
भुटान : २४ अर्ब ५८ लाख (ऋण र अनुदान)
श्रीलंका : १ अर्ब ५० करोड
माल्दिभ्स : ४ अर्ब भारु
मंगोलिया : ७ करोड भारु
