विश्व खबर 
पोखरा । पोखराबाट जोमसोम उडानको क्रममा सम्पर्कविहीन भएको तारा एयरलाईन्सको विमानमा सवार यात्रु र चालक दलका सदस्यहरुका आफन्त पोखरा विमानस्थलमा जम्मा भएका छन् । आइतबार पाँचवटा उडान तालिका रहेको विमान पहिलो उडान गर्दैगर्दा सम्पर्कविहीन भएको छ।
पहिलो उडान सकेर फर्केपछि दोश्रो उडानको तयारी भइरहेकोले पोखरा विमानस्थलमा यात्रु समेत पर्खिरहेको अवस्था छ । विमानस्थलका सुचना अधिकारी देवराज सुवेदीका अनुसार दोश्रो उडानका लागि टिकट लगेका यात्रु विमानस्थल आइसकेका थिए र केही अझै विमानस्थलमा बसिरहेका छन् ।
विमानस्थलमा अहिले भने सम्पर्कविहीन भएको तारा एयरलाईन्सको विमानमा सवार यात्रु र चालक दलका सदस्यका आफन्त, दोश्रो उडानका यात्रु र शुभचिन्तक बसिरहेका छन् ।
प्रतिक्रिया दिनुहोस्
