images
images
  • नवगठित नेकपाका नेताहरूको भविष्यवाणी : आगामी मंसिर २७ गतेपछि एमालेमा ओलीबाहेक अरू कोही हुँदैनन्

    काठमाडौं– प्रचण्ड-माधव नेतृत्वको नेपाली कम्युनिस्ट पार्टीले मंसीर २७ गतेपछि एमाले नामको ठूटोमात्र रहने र ठूलो विद्रोह हुने विश्लेषण गरेको छ ।

    पार्टी समायोजन समारोहमा नेकपाका नेता तथा कार्यक्रम सञ्चालक प्रकाश ज्वालाले मंसीर २७ गते २०७२ को भन्दा ठूलो भूकम्प एमालेमा जाने दाबी गरे ।

    उनले भने- मंसीर २७ गते ठूलो भूकम्पको धक्का आउँदैछ । २०७२ सालको भूकम्पले धरहरा भत्काएर पुरानो ठूटोमात्र बाँकी रहेजस्तै एमाले पनि ठूटोमात्र रहनेछ । नयाँ धरहरा बन्नेछ । नेकपाको नाममा अझै उचाइमा सशक्त र बलियो नयाँ धरहरा बन्नेछ । एमाले नामको ठूटोमात्र रहनेछ र २७ गतेपछि एमालेमा एउटा विद्रोह हुनेछ, नेकपा अझ सशक्त बन्नेछ । कार्यक्रमका अधिकांश वक्ताले एमालेमा विभाजन हुने भन्दै केपी शर्मा ओलीको तीव्र आलोचना गरेका छन् । उनीहरूले एमालेको महाधिवेशनपछि धेरै नेताले विद्रोह गर्ने बताएका छन् ।

    यसअघि भीम रावलसँग एकता पत्रमा सहमति गर्दै अध्यक्ष प्रचण्डले एमालेमा केपी ओलीबाहेक कोही नरहने र सबै आफूहरूसँग आउने दाबी गरेका थिए ।

    कार्यक्रममा सहसंयोजक माधव नेपालले केही नेताहरू अहिले नै आउन खोजे पनि एकै पटक ल्याउने गरी रोकिएको बताए ।

    उनले ओलीको नाम नलिई नेकपाको शक्ति देखेर होस गुमाएको र गालीगलौजमा उत्रिएको आरोप लगाए ।

    प्रतिक्रिया दिनुहोस्
    images
    images