images
images
  • कुलमानको ‘उज्यालो नेपाल’ पार्टीमा सुमना र सुदन पनि अटे, दर्ताका लागि निर्वाचन आयोग जाने तयारी

    काठमाडौं– ऊर्जा मन्त्री कुलमान घिसिङले मंगलबार बिहान आफ्नै निवासमा सुमना श्रेष्ठ र जेन्जी प्रतिनिधि सुदन गुरुङसँग नयाँ दल गठनबारे छलफल गरेका छन् ।

    घिसिङकै नेतृत्वमा दल दर्ता गर्ने तयारी हुँदै आएको भए पनि मन्त्री पदमा रहेकाले उनले फागुन २१ गतेको निर्वाचनअघि मात्रै दलमा सहभागी हुने बताएका थिए ।

    सोहीअनुसार पूर्वऊर्जा सचिव अनुपकुमार उपाध्याय संयोजक रहनेगरी ‘उज्यालो नेपाल’ नाममा दल दर्ता प्रक्रिया अघि बढाइएको थियो ।

    तर, सुमना श्रेष्ठले सामूहिक नेतृत्वको प्रस्ताव गरेकी थिइन्, जुन स्वीकार नभएपछि उनले सोमबार दल दर्ता प्रक्रियाबाट बाहिरिने घोषणा गरेकी थिइन् ।

    त्यसपछि घिसिङले पुनः श्रेष्ठ र गुरुङलाई भेटेर छलफल गरेका हुन् ।

    घिसिङ निकट जीतराम वाइवाका अनुसार, मन्त्रीले अब दल दर्ता स्वयं गर्ने कि नगर्ने भन्ने अन्तिम निर्णय बाँकी छ ।

    सुदन गुरुङले भने नयाँ दलमा समावेश गरिनुपर्ने आफ्ना ६ प्रतिनिधिको नाम पहिल्यै बुझाइसकेका छन् ।

    निर्वाचन आयोगले फागुन २१ गतेको प्रतिनिधि सभा चुनावका लागि कात्तिक ३० गतेभित्र दल दर्ताको प्रमाणपत्र लिनुपर्ने समयसीमा तोकेको छ ।

    प्रतिक्रिया दिनुहोस्
    images
    images