विश्व खबर 
काठमाडौं– आईसीसी टी–२० विश्वकप एसिया–ईस्ट प्यासिफिक छनोटमा नेपालले विजयी सुरुआत गरेको छ ।
पहिलो खेलमा नेपालले कुवेतलाई ५८ रनले पराजित गर्यो ।
१४२ रनको लक्ष्य पछ्याएको कुवेत १८.१ ओभरमा ८३ रनमै समेटियो ।
कुवेतका क्लिन्टो एन्टोले सर्वाधिक २६ रन बनाए। नेपालका कप्तान रोहित पौडेल, सन्दीप लामिछाने र ललित राजवंशीले २–२ विकेट, नन्दन यादव, कुशल भुर्तेल र सोमपाल कामीले एक–एक विकेट लिए ।
यसअघि टस हारेर ब्याटिङमा उत्रिएको नेपालले २० ओभरमा ७ विकेट गुमाउँदै १४१ रन बनाएको थियो ।
ओपनर कुशल भुर्तेलले ५६ बलमा ६६ रनको उत्कृष्ट पारी खेले। गुल्सन झाले ६ बलमा २० रन जोडे ।
अन्य ब्याट्सम्यानहरूमा कप्तान रोहित पौडेल १६, दीपेन्द्रसिंह ऐरी १९, आसिफ शेख २, कुशल मल्ल ४ र सन्दीप जोरा ५ रनमा आउट भए ।
कुवेतका नवीनराज राजेन्द्रन र अनुदीप चन्दमाराले समान २–२ विकेट लिएका थिए ।
नेपालले अब समूह चरणको अन्तिम खेल शुक्रबार जापानसँग खेल्नेछ ।
