विश्व खबर 
काठमाडौं – भैरहवास्थित गौतमवुद्ध अन्तर्राष्ट्रिय विमानस्थलमा शनिबार फ्लाइ दुबइको जहाज पहिलोपटक अवतरण अवतरण गरेको छ ।
शनिबार दिउँसो जजिरा एयरको विमान अवतरण गरेको भैरहवामा दिउँसो फ्लाइ दुबइको जहाज पनि अवतरण भएको हो ।
दुबईबाट आएको यो जहाज दिउँसो साढे २ बजे भैरहवामा अवतरण गरेको थियो । यस उडानबाट आएका १० यात्रु भैरहवामा ओर्लिएका थिए भने बाँकी १४९ जना यात्रु काठमाडौंमा ओर्लिएका थिए ।
भैरहवाबाट शनिबार राति नै नेपाल वायु सेवा निगमले पनि उडान गरेको छ ।
गौतमवुद्ध विमानस्थलबाट यो हप्ता आइतबार, बुधबार, शुक्रबार र शनिबार २/२ र सोमबार, मंगलबार र बिहीबार ३/३ वटा अन्तर्राष्ट्रिय उडान हुने विमानस्थल कार्यालयले जानकारी दिएको छ ।
विमानस्थल सञ्चालनमा आएको दुई वर्षपछि भैरहवाबाट नेपाली ध्वजाबाहकसहित ४ वटा अन्तर्राष्ट्रिय वायु सेवा कम्पनीले उडान सुरु गरेका छन् ।
भैरहवाबाट अन्तर्राष्ट्रिय उडान गर्नेमा थाइ एयर एसिया, जरिजरा र फ्लाइ दुबइ विदेशी वायु सेवा कम्पनी रहेका छन् भने नेपाल एयरलाइन्स स्वदेशी वायु सेवा कम्पनी रहेको छ ।
त्रिभुवन विमानस्थल दैनिक १० घण्टा बन्द हुन थालेपछि विदेशी वायु सेवा कम्पनीहरुले बाध्य भएर भैरहवाबाट उडान सुरु गरेका हुन् ।
भोलिका दिनमा गुणस्तरीय व्यववस्थापनसहित विमानस्थलको सञ्चालन गर्न सकेमा उक्त एयरलाइन्सले भैरहवाबाट नियमित उडान गर्ने विश्वास लिइएको छ ।
